من نحن
«قال أدز» منصة سعودية تحلل التسويق والإعلان، وموقعها qalads.co. وأي سؤال عن خصوصيتك، راسلنا على privacy@qalads.co.
وش نجمع
- بريدك الإلكتروني: إذا اشتركت في نشرة «قيل وقال» بس، ومعه تاريخ اشتراكك وتأكيده.
- أرقام زيارات عامة: عدد الزيارات والصفحات ونوع الجهاز والدولة. ما فيها كوكيز، وما تعرف مين أنت.
- Google Analytics، إذا وافقت: يعرف إذا رجعت للموقع، ووش الصفحات اللي قريتها، وكم جلست، ونوع جهازك، ومدينتك تقريباً. وما يشتغل أبداً قبل موافقتك.
- سجلات تقنية: مثل عنوان IP ونوع المتصفح، يحفظها مزوّد الاستضافة فترة قصيرة عشان أمان الموقع.
- رسائلك: إذا راسلتنا.
ما نطلب منك تسوي حساب، وما نجمع أي بيانات حساسة.
ليش نجمعها
- عشان نرسل لك النشرة اللي اشتركت فيها.
- عشان نعرف وش ينقرأ في الموقع ونطوّره.
- عشان يشتغل الموقع ونحميه من الهجمات.
- عشان نرد عليك إذا راسلتنا، أو طلبت حق رد أو تصحيح.
مع مين نشاركها
ما نبيع بياناتك، ولا نأجّرها لأحد.
الكوكيز والتخزين في متصفحك
| الاسم | وش يسوي | المدة |
|---|---|---|
| qal-consent-v1 | يتذكر قرارك عن كوكيز التحليلات. تخزين في متصفحك، مو كوكيز | لين تمسحه |
| theme | يتذكر اختيارك للوضع الفاتح أو الداكن. تخزين في متصفحك | لين تمسحه |
| _ga, _ga_* | من Google Analytics، يعرف إذا رجعت للموقع. بس إذا وافقت | ١٣ شهر |
وتقدر تغيّر قرارك أي وقت من رابط «إعدادات الكوكيز» تحت كل صفحة. وإذا رفضت، نحذف كوكيز Google Analytics من متصفحك.
كم نحتفظ فيها
- بريد النشرة: طول ما أنت مشترك. وإذا ألغيت اشتراكك نوقف الإرسال، ونحذف بياناتك إذا طلبت.
- الاشتراكات اللي ما تأكدت: نحذفها كل فترة.
- بيانات Google Analytics: ١٤ شهر بالكثير.
- السجلات التقنية: فترة قصيرة، حسب مزوّد الاستضافة.
حقوقك
حسب نظام حماية البيانات الشخصية، من حقك:
- تعرف كيف نجمع بياناتك ونستخدمها، وهذا اللي تشرحه هالصفحة.
- تشوف بياناتك وتاخذ نسخة منها.
- تصحّح بياناتك أو تحدّثها.
- تطلب نحذفها.
- تسحب موافقتك أي وقت، من رابط إلغاء الاشتراك في كل نشرة، أو من «إعدادات الكوكيز».
كيف نحميها
الموقع كله على اتصال مشفّر HTTPS، وقائمة النشرة ما يوصل لها إلا فريقنا، ونختار مزوّدين ملتزمين بمعايير أمان معروفة.
القُصّر
الموقع موجّه للمختصين، وما نجمع عن قصد بيانات أحد عمره أقل من ١٨ سنة.
إذا عدّلنا السياسة
ممكن نحدّث هالسياسة، وبنغيّر تاريخ «آخر تحديث» فوق. وإذا كان التغيير كبير، بنبلّغ مشتركي النشرة. واقرأ بعد شروط الاستخدام.